|
Safnkostur Miðstöðvar munnlegrar sögu telur yfir 500 klst. af hljóðskrám og er stór hluti þeirra kominn á stafrænt form. Starfsmenn stofnunarinnar hafa unnið að því að gera efnið sem aðgengilegast fyrir áhugasama notendur, fræðimenn og aðra sem áhuga hafa á þessum hluta menningararfs okkar íslendinga. Þess má geta að safnið á einnig um 40 klst. af myndefni tengdu söfnun munnlegra heimilda.
Aðfangabókin hefur að geyma yfirlit yfir megnið af safnkostinum, en alltaf er eitthvað nýtt að bætast við.
Til að nálgast hljóðskrár til hlustunar er hægt að koma á skrifstofu Miðstöðvar munnlegrar sögu, senda tölvupóst á munnlegsaga@munnlegsaga.is eða hringja í s. 5255775 og gefa upp hvaða efni viðkomandi hefur áhuga á að kynna sér og panta tíma til að koma og hlusta.
Í hljóð- og mynddeild á 4. hæð Landsbókasafnsins verður aðstaða fyrir gesti til að hlusta á efni Miðstöðvar munnlegrar sögu.
Fyrst um sinn verður safn Miðstöðvar munnlegrar sögu opið mánudaga, þriðjudaga og miðvikudaga frá 10:00-16:00.
|
